Kandidati për kryeministër nga Lidhja Demokratike e Kosovës, Avdullah Hoti, ka thënë se ka porositur sasinë më të madhe të vaksinave prej 1.85 milionë doza.
Sipas tij, këto nuk janë vaksina ruse, por të sigurta.
“Kemi porositur sasinë më të madhe të vaksinave prej 1.85 mil doza, jo vaksina ruse, por të sigurta (grafiku nga “Evropa e Lirë”)”.
“Kemi siguruar 40 mil euro për vaksina që vijnë në shkurt”.
“Kemi përgatitur Strategjinë e Imunizimit, me prioritetet për vaksinim, duke nisur nga stafi shëndetësorë, të sëmurët kronik, dhe mandej nga moshat më të vjetra”, shkruan Klan Kosova.
“Vetëm me punë, pa zhurmë, vazhdojmë qeverisjen”.
