Ylldren Ibrahimaj është larguar nga skuadra norvegjeze Viking, për ta vazhduar karrierën në elitën e futbollit rus.
Mesfushori nga Kosova ka kompletuar transferimin tek skuadra ruse Ural Ekaterinburg që bën gara në Superligën e Rusisë.
25-vjeçari ka nënshkruar kontratë për katër vite me këtë skuadër.
Ural për momentin zë vendin e 12-të në elitën e futbollit rus nga 16 skuadra sa janë pjesë e saj.
Ibrahimaj tanimë është prezantuar nga zyrtarët e klubit rus dhe ai bëhet futbollisti i dytë nga Kosova që luan në këtë kampionat, transmeton Telegrafi.
Kujtojmë që pjesë e futbollit rus është edhe anësori Bernard Berisha që aktivizohet me Akhmat Grozny.
