Ujësjellësi Rajonal “Prishtina” ka njoftuar se ka reduktuar prodhimin e ujit të pijes, përcjell InLajmi.
Kjo ka ndodhur për shkak të turbullirës së shkaktuar në liqenine Badovcit.
Njoftimi i plotë nga KRU Prishtina:
“Reduktojmë prodhimin e ujit në fabrikën e Badocit, shkak niveli i lartë i turbullirës,
Prishtinë, 15 janar – Të nderuar konsumatorë, ju të cilët furnizoheni me ujë të pijshëm nga fabrika e trajtimit të ujit Badoc, se duke filluar sonte nga ora 19:30 jemi të detyruar të zvogëlojmë dukshëm prodhimin/ trajtimin e ujit në këtë fabrikë.
Arsyeja e reduktimit të prodhimit të ujit në këtë fabrikë , është niveli i lartë i turbullirës që u shfaq tash, pas reshjeve atmosferike që mbushën këtë liqe mbi 3 metra me ujë.
Nga ky reduktim prodhimi ( nga ora 19:30, sonte) do të afektohen këto zona: Graçanica, Hajvalia, Veterniku, Matiqani, Bregu i Diellit, pastaj pikat e tjera të kryeqytetit si: Tophanja, Dardania, Ulpiana dhe qendra e qytetit, pastaj qyteti i Fushë Kosovës dhe Obiliqi, pothuajse te gjitha zonat mbesin pa ujë sonte prej ores 21:00.
Niveli i lartë i turbullirës e bënë të pamundur trajtimin e ujit për pije konform standardeve dhe teknologjisë që posedojmë.
Faleminderit për mirëkuptim!”./InLajmi/
