Në përvjetorin e masakrës në Reçak u.d e Presidentes të Kosovës, Vjosa Osmani dhe shefi i VV-së, Albin Kurti kanë bërë homazhe në Reçak, për të përkujtuar masakrën që ndodhi me 15 janar, të vitit 1999, raporton InLajmi.
Vjosa Osmani ka thënë se kjo ishte nga masakrat më të tmerrshme në historinë e gjithë njerëzimit.
“Sot janë bërë 22 vjet në nga masakrat më të tmerrshme në historinë e gjithë njerëzimit. Në fakt është vendi ku u dëshmua qëllimi i Serbisë për shfarosjen e shqiptarëve.
Nga këtu duhet me zë të lartë ta themi këtë të vërtetë duke kërkuar drejtësi që ranë për liri. Dëshmitë e gjenocidit mund t’i gjejmë anekënd vendit tonë.
Akoma po dominion kjo mendje gjenocidale. Lavdi e përjetshme për të rënët e Reçakut”,ka thënë Osmani.
Ndërkaq Albin Kurti theksoi se me pikëllim e dhimbje kanë ardhur të takojnë edhe familjarët e të vrarëve të Reçakut meqenëse një drejtësi e vonuar është drejtësi e mohueshme.
“Sot bashkë me presidenten ne detyre Osmanin, erdhëm të bëjmë nderime këtu në Reçak në përvjetorin e 22-të. Ai dimër mbaj mend se ka qenë shumë më i ftoftë si ky sot dhe kjo ngjarje ka tronditur e tmerruar gjithë Kosovën dhe patë alarmuar edhe fuqitë botërore”.
Jo vetëm urdhërdhënësit, por edhe ekzekutorët dihen me emra në shumë raste jo vetëm në këtë masakër dhe është detyrë e vendit që t’i ndjekim dhe t’i gjykojmë ata. Nuk mund të ketë paqe të qëndrueshme deri sa nuk ka drejtësi që sjell rehabilitim për viktimat dhe familjarët. Përkulemi për këtë humbje dhe lavdia është e tyre”,është shprehur Kurti./InLajmi/
