Këta janë kandidatët e VV-së për deputetë nga Gjilani

Këshilli i Qendrës së VV-së në Gjilan ka votuar për zgjedhjen e 3 kandidatëve për deputetë në zgjedhjet e 14 shkurtit, përcjell InLajmi.

Kandidatët e Vetëvendosjes për deputetë nga Gjilani do të jenë: Arbëresha Kryeziu-Hyseni, Arjeta Rexhepi dhe Luan Aliu.

Njoftimi i plotë nga VV-Gjilan:

“Këshilli i Qendrës së Lëvizjes VETËVENDOSJE! në Gjilan, ka votuar për zgjedhjen e tre kandidatëve për deputetë në Parlamentin e Republikës së Kosovës.

Pas votimit të rregullt, të zgjedhurit e Këshillit të Qendrës ishin dy kandidate për deputete:

1. Arbëresha Kryeziu Hyseni

2. Arjeta Rexhepi

Me rezultat të barabartë ishin dy kandidat: Luan Aliu dhe Nehat Osmani.

Pas votimit të dytë të Këshillit të Përgjithshëm në balotazh, Këshilli vendosi që Luan Aliu të jetë kandidat për deputet, duke kompletuar listën prej 3 kandidatëve të zgjedhur nga Qendra e Gjilanit”./InLajmi/