Reçaku ka shkruar një histori në vete para 22 viteve, e që gjatë ditës së sotme shënohet përvjetori i lavdishëm i 45 dëshmorëve të cilët u masakruan nga forcat ushtarake serbe, shkruan InLajmi.
Ndonëse çdo vit Presidenca e Kosovës ka bërë homazhe para varrit të dëshmorëve, këtë vit nuk ndodhi e njejëta gjë.
Madje as edhe një fjalë nuk u shkruajat ga pushtetarët në shenjë falenderimi apo lavdie për jetën e tyre.
Kujtojmë se me 15 Janar 1999, në këtë ditë të kobshme, në Reçak u vranë e u masakruan 45 shqiptarë të paarmatosur.
Policia dhe ushtria serbe në Kosovë kanë kryer masakra të shumta gjatë viteve 1998 dhe 1999, por Masakra e Reçakut u dëshmua nga misioni i OSBE-së në Kosovë, që ndikoi në ndërhyrjen e NATO-s ndaj caqeve serbe.
Pasi e pa me sytë e tij këtë skenë, shefi i misionit të OSBE-së, Wiliam Walker, kishte alarmuar se në Kosovë po ndodh krim kundër njerëzimit, gjë që shtyu bashkësinë ndërkombëtare të ndërmarrë misionin ushtarak, pas të cilit forcat serbe u tërhoqën nga Kosova./InLajmi/
