Anëtari i Nismës Socialdemokrate, Endrit Shala, është takuar me shtabin e degës së kësaj partie në Skenderaj, duke thënë se ata janë më të gatshëm se kurrë për këtë proces zgjedhor, përcjell InLajmi.
Tutje ai tha se entuziazmi i tyre për punë, për t’u dalë në mbrojtje qytetarëve e vlerave kombëtare, ishte i pashoq.
Postimi i plotë i tij:
“Sot në Skenderaj në vendlindjen e prindërve të mi, bashkë me kryetarin e rinisë, z. Xhemajl Hazizi, takuam shtabin e degës së Nismës Socialdemokrate të cilët ishin më të gatshëm se kurrë për këtë proces zgjedhor.
Entuziazmi i tyre për punë, për t’u dal në mbrojtje qytetarëve e vlerave kombëtare, ishte i pashoq. Ne jemi të bindur se projekti ynë për mbrojtjen e shtetit dhe vlerave kombëtare është i duhuri dhe i domosdoshëm për Kosovën, andaj edhe do ja dalim. Aq më tepër me struktura dhe me rini të tillë.
Secila mbështetje për projektin e Nismës, edhe ato kolektive e edhe ato individuale janë tejet të rëndësishme për ne.
Por, mbështetja e shokëve, miqve e bashkëvendësve të prindërve të mi, më bën të ndihem dyfish i nderuar”./InLajmi/
