Shefi i Aleancës për ardhmërinë e Kosovës , Ramush Haradinaj ka thënë se ka nënshkruar marrëveshjen për bashkëpunim në zgjedhjet e 14 shkurtit, përcjell InLajmi.
Haradinaj ka njoftuar se në këto zgjedhje do të garojë së bashku më Partinë Shqiptare Demokristiane të Kosovës.
Postimi i plotë i tij:
Aleanca për Ardhmërinë e Kosovës dhe Partia Shqiptare Demokristiane e Kosovës, kanë një traditë të mirë bashkëpunimi gjatë rrugëtimit tonë politik.
Sot, së bashku me kryetarin Zef Morina, kemi nënshkruar marrëveshjen për bashkëpunim në zgjedhjet e 14 shkurtit. Të dyja subjektet, AAK dhe PSHDK, do të garojnë e bashkëveprojnë si partnerë të barabartë.
Na priftë e mbara!/InLajmi/
