Presidenti i Turqisë, Recep Tayyip Erdogan, ka marrë dozën e parë të vaksinës kundër Covid-19.
Në spitalin në Ankara, Erdogani ka marrë dozën nga vaksina e prodhuar në Kinë.
“U vaksinova edhe unë”, ka shkruar ai në rrjete sociale.
Ministri i Shëndetësisë, Fahrettin Koca, ishte i pari në Turqi që mori këtë vaksinë, të mërkurën.
Sipas të dhënave të ministrisë, Turqia ka 1.1 milionë punonjës shëndetësorë që do të vaksinohen për një muaj.
2 doza të vaksinës do të jepen në diferencë prej 28 ditësh. Ata që janë shëruar nga koronavirusi, nuk do të vaksinohen për 4 deri në 6 muaj, përcjell Anadolu.
Porosia e parë prej 3 milionë dozash të vaksinës kineze për COVID-19, kishte arritur në Turqi më 30 dhjetor.
