Qytetarët vlerësojnë se fillimi i projektit të menaxhimit të parkingjeve publike, është veprim i qëlluar si dhe çmimi i pagesës konsiderohet i volitshëm për ta.
Nga e mërkura (sot) në 2 zona të kryeqytetit, në qendër dhe periferi do të fillojë aplikimi i pagesës për parkim veture me kohë e çmim të caktuar.
Për momentin ekipi i informimit për këto parkingje ka dal tek rruga “Rexhep Luci” për të informuar qytetarët më në detaje.
Alban Kastrati, qytetar i kësaj zone tha që çmimi është i volitshëm vetëm të lehtësohet qarkullimi.
“Mendoj që çmimi është i volitshëm vetëm të lehtësohet qarkullimi”, tha Kastrati.
Po ashtu, edhe qytetari Sami Duraku, tha që është një projekt i qëlluar dhe që çmimi nuk duket i shtrenjtë.
Çmimet variojnë në bazë të lagjeve se ku jetojnë dhe tashmë qytetarët kanë afat deri më 28 shkurt për t’i marrë kartat e tyre rezidence.
Në zonën “Qendër”, e cila përfshinë unazën nga rruga “Agim Ramadani”,
“Luan Haradinaj” e ku përfshihet edhe mensa e studentëve do të paguhet një euro ora, derisa maksimumi i parkimit të veturës është 120 minuta.
Ndërsa zona e dytë, përfshinë lagjet “Dardania”, ‘Ulpiana”, “Bregu i Diellit”, ku për parkim veture qytetarët do të paguajnë më pak, raporton EO.
Qytetarët kanë katër opsione për të bërë pagesën e parkimit: pagesa online përmes Telefonit të Mençur/Smartphone, duke përdorur Aplikacionin dhe Web Faqe-n, përmes SMS-it me operatorët e telefonisë mobile, po ashtu përmes Parking Metrit, si dhe përmes blerjes së biletave fizike.
