Në Greqi sot kanë mbërritur 8.000 dozat e para të vaksinës anti-COVID, Moderna.
Sipas mediave greke, 20.000 doza të vaksinës Moderna do të jenë në Greqi deri në fund të janarit, 115.000 doza në shkurt dhe 105.000 në mars.
Totali i dozave të vaksinës së Moderna për tremujorin e parë të vitit për Greqinë janë 240.000 doza.
Greqia do të marrë gjithashtu 427.050 doza nga Pfizer deri në fund të janarit, 362.700 doza deri në fund të shkurtit dhe 558.675 doza të tjera në mars, transmeton Ora News.
Në total, 1.348.425 doza do të dorëzohen nga Pfizer deri në fund të marsit. Ditën e djeshme në Itali mbërritën dozat e para të vaksinës Moderna.
