Njoftohet se në Klinikën Infektive të Kosovës është sulmuar një infermiere mbrëmë nga një familjare e një pacienti, përcjell Inlajmi.
Shërbimi Spitalor Klinik e Universitar i Kosovës e ka dënuar sulmin, duke kërkuar të mirren masa ndaj sulmuesve të punëtorëve shëndetësorë.
Komunikatë e plotë për medie
Shërbimi Spitalor Klinik Universitar i Kosovës (ShSKUK), është njoftuar nga drejtoria e Klinikës Infektive, se mbrëmë nga familjarja e një pacienti, në vendin e punës është sulmuar infermieria Z. M, e angazhuar nga Ministria e Shëndetësisë.
ShSKUK dënon ashpër sulmin ndaj infermieres, duke kërkuar sërish nga organet kompetente të ndërmarrin masa urgjente ndaj sulmuesve të punëtorëve shëndetësorë, sulme këto që kohëve të fundit janë shpeshtuar.
Punëtorët shëndetësorë të ShSKUK-së që nga fillimi i pandemisë janë duke punuar me orar të stërzgjatur, me angazhim maksimal për të ofruar shërbimet e nevojshme ndaj pacientëve./InLajmi/
