Partia Demokratike e Kosovës, dega në Drenas ka reaguar pas raportimeve se anëtari i saj, Bekim Muja ka dhënë dorëheqje nga partia për shkak të mos-arritjes së koalicionit me Nismën, përcjell InLajmi.
Duke u thirrur në arsyet e dhëna nga Muja, PDK ka qartësuar se Muja s’ka qenë asnjëherë nënkryetar i nëndegës së partisë në Gradicë.
Njoftimi i plotë nga PDK-Drenas:
“Reagim
Lajmi i publikuar sot në media rreth dorëheqjes së nënkryetarit të nëndegës së PDK-së në Gradicë është i pavërtetë dhe tendencioz.
Z. Bekim Muja asnjëherë nuk ka qen nënkryetar i kësaj nëndege.
PDK dega në Drenas e mbështet plotësisht vendimin e marrë nga Kryesia e PDK-së në nivelin qendror që në zgjedhjet nacionale të garoj si e vetme. Nga eksperiencat që kemi nga e kaluara në shumë raste koalicioni me partitë e tjera politike e ka dëmtuar PDK-në në Drenicë kjo ka ndodhur edhe në vitin 2017″./InLajmi/
