Partitë politike sot kanë afatin e fundit për të deklaruar koalicionet parazgjedhore në Komisionin Qendror Zgjedhor (KQZ).
Kryetarja e KQZ-së, Valdete Daka, tha se të martën deri në ora 18:00 të gjitha subjektet politike kanë afatin e fundit për të deklaruar koalicionet parazgjedhore, njofton Klan Kosova.
Aleanca Kosova e Re dhe Lidhja Demokratike e Kosovës do të garojnë së bashku në zgjedhjet që do të mbahen më 14 shkurt.
Këtë për KlanKosova.tv e konfirmoi Naim Murseli, këshilltar i Behgjet Pacollit.
“Sot deri në ora 18:00 do të deklarohet koalicioni parazgjedhor me LDK-në në Komisionin Qendror të Zgjedhjeve. Një bashkëpunim konstruktiv dhe i natyrshëm. Një listë e përbashkët e një koalicioni fitues. Do të jetë listë me kandidatë të AKR-së në listën e LDK-së “,tha Murseli.
