12 Janari është dita e 12 e vitit, deri në fund të vitit janë edhe 353 ditë.
12 janar 1875 – “Tuneli” i ndërtuar në lagjen “Beyoglu” të Stambollit filloi të përdoret për transportin publik. Ai është sistemi nëntokësor i dytë më i vjetër në botë për transportin publik, menjëherë pas Metrosë së Londrës. “Tuneli” ishte një ndërmarrje private deri në shtetëzimin e tij në vitin 1939.
12 janar 1920 – Dhoma e Deputetëve (Meclis-i Mebusan), krahu i ulët i parlamentit bikameral të Perandorisë Osmane, mbajti seancën e tij të fundit. Në këtë organ ligjvënës kishte përfaqësues të zgjedhur të sulltanit dhe të popullit të Anadollit. Pas rezolutës së tij të fundit të emërtuar “Pakti Kombëtar” (Misak-i Milli), një manifest i
Luftës Çlirimtare Turke që kërkonte mbrojtjen e integritetit territorial të vendit dhe mëvetësi të plotë, Fuqitë Aleate pushtuan zyrtarisht Stambollin dhe shpërndanë parlamentin më datë 16 mars. Një pjesë e deputetëve u arrestuan dhe internuan në ishullin e Maltës.
12 janar 1991 – Kongresi i Shteteve të Bashkuara të Amerikës autorizoi administratën e Shtëpisë së Bardhë që të përdorë forcë për të nxjerrë ushtrinë irakiane nga Kuvajti. Pas kësaj rezolute filloi numërimi drejt zeros për Luftën I të Gjirit.
12 janar 2006 – Një bilanc i rëndë u regjistrua në Arabinë Saudite gjatë goditjes së shejtanit me gurë, një prej riteve të haxhillëkut në lagjen “Mina” të Mekës, ku humbën jetën 364 persona dhe u plagosën shumë të tjerë.
