Ministri i Shendetësisë së Kosovës Armend Zemaj njoftuar se 2 personat e tjerë që ishin duke u trajtuar në QKUK nga shpërthimi i bombolës në Ferizaj këtë të shtunë janë nisur për në Austri për shërim si pasojë e lëndimeve përcjell InLajmi.
Ai gjithashtu ka falenderuar ambasadorin austriak në Kosovë dhe atë të Kosovës në Austri të cilët kanë kontribuar që të gjendet mundësia dhe përkrahja që sa më parë të nisen 2 qytetarët e lënduar për trajtim.
Ai ka theksuar se ishte shumë e vështirë të gjenden shtete që do të mund të hapnin dyert dhe të merrnin për trajtim të 2 pacientëve për shkak të pandemisë nga e cila thuhet se janë zënë të gjitha spitalet botërore.
Postimi i plotë i tij:
Sot, dy qytetarët e lënduar në Ferizaj, u nisën për trajtim mjekësor, për Graz të Austrisë, falë përkrahjes dhe mbështetjes së këtij shteti mik.
E falënderoj ambasadorin austriak në Kosovë dhe ambasadorin e Kosovës në Austri, të cilët me përkushtim të madh, kanë kontribuar që të gjendet mundësia dhe përkrahja që sa më parë të nisen dy qytetarët e lënduar për trajtim.
Situata në të cilën ndodhet tërë bota, shkaku i pandemisë, është tepër e rëndë. Shtretërit e lirë dhe emergjencat tjera, janë të stërngarkuara nga pacientët, në tërë botën. Ishte shumë e vështirë të gjenden shtete që do të mund të hapnin dyert dhe të merrnin për trajtim dy pacientët tanë.
I falënderoj të gjitha familjet për mirëkuptim dhe bashkëpunim. Përkushtimi ynë për çdo pacientë do të vazhdojë/InLajmi/
