Deputetja e LDK-së, Rrezarta Krasniqi ka postuar një fotografi me një slogan tjetër të partisë për zgjedhjet që do të mbahen.
Në sloganin e zbuluar nga deputetja shkruhet “Lidhja është e fortë” në mbështetje të kandidatit për kryeministër Avdullah Hoti, teksa simboli i sloganit janë duart e shtrënguara të cilën e praktikonte edhe presidenti Ibrahim Rugova gjatë daljeve në publik.
Teksa dje një slogan tjetër i LDK-së të cilin e kishte zbuluar ministrja në detyrë e Financave, Hykmete Bajrami doli të ishte i vjedhur e që më pastaj zëdhënësi i Lidhjes Demokratike të Kosovës, Besian Mustafa, ka thënë se logoja dhe slogani që zyrtarja e kësaj partie, Hykmete Bajrami, nxori në Facebook disa orë më parë, nuk janë të parapara për zgjedhjet e 14 shkurtit, raporton Gazeta Express.
Ai i ka quajtur “slogan e logo që po qarkullojnë në rrjete sociale”, por slogani “Mbesim në Lidhje” i shoqëruar me logon ku shihet një zemër e krijuar nga lidhëza e atleteve, u plasua nga ministrja në detyrë, Bajrami
