Analisti Rron Gjinovci ka thënë në emisionin Pressing në T7 se anëtarët e Gjykatës Kushtetuese nuk kanë kredibilitet profesional. Ai ka akuzuar ata se nuk kanë publikime shkencore por janë të afërm të politikanëve me pushtet.
“Kush është Gjykata Kushtetuese. Këtë pyetje duhet ta bëjmë. Ajo përbëhet nga anëtarë të cilët mbi bazën juridike rregullojnë çështjet mbi të cilat ka problematikë. Duhet të ketë bazë shkencore te këta anëtarë. Pra bazë shkencore të juridikut mbi bazë të cilave duhet të zgjidhen çështjet. Por e vërteta është se këta persona nuk kanë kredibilitet. Marr përgjegjësi publike për këtë që po them. Anëtarët e Kushtetueses janë çika e djem hallash e tezesh, s’kanë kredibilitet profesional. Nuk kanë asnjë publikim shkencor. Në të kaluarën ka pasur Enver Hasani, edhe pse kam qenë kundër tij dhe kam dërguar ankesë kur u pat shpallur fajtor në UP.
Por këta nuk kanë as publikime shkencore. Të bëhesh anëtar i gjykatës kushtetuese, është pak problem. Duhet të kesh publikime dhe baza shkencore. Këta nuk e kanë asnjërën. Po marrin vendime për vite me radhë mbi të cilat ndikojnë mbi jetën e qytetarëve dhe nuk marrin përgjegjësi për veprimet tyre. Edhe qytetari e di se kjo Kushtetutë ka gabime. Me një lexim të thjeshtë mund t’i gjejmë. Por këto vendime janë të pakuptimta”, tha ai në T7, raporton Gazeta Metro.
