Deputetja e Lidhjes Demokratike të Kosovës, Valentina Bunjaku-Rexhepi, ka thënë se vendimi i Gjykatës Kushtetuese për shkuarjen në zgjedhje të reja është i pranueshëm për ta dhe se janë të gatshëm për këtë proces.
Ajo tha se LDK-ja do t’i kërkojë falje qytetarëve aty ku kanë gabuar.
“LDK është e gatshme të mbajë zgjedhje dhe është me qytetarët. Nuk u takojmë vetëm në zgjedhje atyre, por në vazhdimësi kemi kontakt me elektoratin dhe strukturat tona. LDK do t’i kërkojë falje qytetarëve aty ku kemi gabuar. Ata që besojnë në LDK, do të vazhdojnë të besojnë. Secila parti edhe lider kur punon edhe gabon”, ka thënë deputetja Bunjaku-Rexhepi për Klan Kosova.
“Nëse kemi gabuar diku do të kërkojmë falje. Pa LDK nuk ka Kosovë, arsim, shtet të zhvilluar, shëndetësi… LDK ka qenë gardian i shtetit të Kosovës”.
