Qytetarët që do të udhëtojnë drejt Kanadasë, nga data 7 janar duhet të përfillin disa masa të reja të ndërmarra nga shteti kanadez, përcjell InLajmi.
Konsullata e Përgjithshme e Kosovës në Kanada kanë njoftuar se secili udhëtar mbi moshën 5 vjeçare duhet të ketë rezultatin negativ në testin për Covid-19, jo më herët se 72 orë.
Njoftimi i plotë nga Konsullata e Përgjithshme e Kosovës:
“Lusim të gjithë qytetarët e Republikës së Kosovës që do të udhëtojnë nga data 7 janar 2021 (e enjte) drejt Kanadasë, që të përfillin masat më të reja të ndërmarra nga shteti kanadez për të luftuar përhapjen e virusit COVID 19. Qeveria kanadeze përmes një njoftimi, informon të gjithë udhëtarët të cilët dëshirojnë të fluturojnë drejt Kanadasë se duke filluar nga data 7 janar 2021: – secili udhëtarë mbi moshën 5 vjeçare duhet të posedojë rezultatin negativ të testit anti COVID 19, jo më të vjetër se 72 orë; – secili udhëtarë, pas arritjes në Kanada duhet të vetizolohet për 14 ditë; – për planin e karantinimit (vetizolimit) udhëtarët duhet që ta përdorin aplikacionin ose webfaqen ArriveCAN (shih vegzën më poshtë), ku duhet t’i japin kontaktet e tyre si dhe planin 14 ditor të karantinimit para hyrjes në Kanada”, thuhet në njoftimin nga Konsullata e Përgjithshme e Kosovës në Kanada.
https://arrivecan.cbsa-asfc.cloud-nuage.canada.ca/auth?fbclid=IwAR0dvR2DuJctr_BZGvHuZbKHtbmMICmecnhJIL1Ec2h9IORkrWS3kUn0JiU./InLajmi/
