Valmir Aliçkaj nga Deçani, me lot në sy ka komentuar takimet që ka pasur me Nazlije Sherifin nga Mitrovica, të cilës kishte vendosur që të ia dhuronte veshkën.
Ai tha se Nazlija ka pasur shumë ëndrra dhe se është krenar që e ka njohur atë.
“Ajo e ka dashur shumë borën. Ka pasur shumë ëndrra, ka dashur t’i kthehet fakultetit e shoqërisë. Ka dashur shumë dëshirë që të vizitojë Deçanin. Më ka thënë se si të kryhet operacioni do ta vizitoj Deçanin”, tha ai.
Ai në Frontal në T7 ka thënë se fjalët e fundit që Nazlija ia kishte thënë është se do të ia dilnin mbanë bashkë me të e me ndihmën e Zotit.
Përndryshe, Aliçkaj tha se ka qenë i vendosur për dhurimin e veshkës pa marrë parasysh se mjekët i kishin thënë se nuk do të ishte asnjëherë më njëjtë sa i përket gjendjes shëndetësore.
