Ministri i Shëndetësisë Armend Zemaj, ka kujtuar kolonelin Tahir Zemaj së bashku me Enis dhe Hasan Zemaj, përcjell InLajmi.
Zemaj ka thënë se që nga 4 janari 2003 për çdo vit në këtë datë gjinden në Strellc duke bërë homazhe për veprimtarët e çështjes kombëtare.
Postimi i plotë i tij:
Çdo fillimviti, nga 4 janari 2003, në këtë ditë, neve familjarëve, bashkëluftëtarëve dhe veprimtarëve të çështjes kombëtare, me miq e dashamirë nga të gjitha trojet tona, na gjen në Strellc pran vendit këtu, ku pushojnë përjetësisht, Kolonel Tahiri, Enisi dhe Hasani.
Homazhet për ta, janë momente sa të rënda, aq krenare, sepse e kujtojmë jetën dhe veprën e tyre, në dobi të kombit dhe atdheut, kujtojmë me nderim veprimtarinë atdhetare, luften çlirimtare, betejat e fituara kundër armikut, angazhimin për liri e pavarësi, deri në momentet e fundit të jetës së tyre.
Përgjithmonë në zemrat tona. Lavdi e përjetshme, Kolonel Tahir, Hero i Kosovës, Lavdi Enis dhe Hasan Zemaj!/InLajmi/.
