Deçanasi tha se kur e kuptoi lajmin për ndarjen e saj nga jeta i është dukur sikur ta humbiste ndonjë anëtar të familjes së tij.
Vajza 19-vjeçare vuante nga një sëmundje e rëndë, ndërsa transplantimin e veshkës priste ta bënte brenda pak ditësh, pasi mjekët i kishin thënë se duhet të priste derisa t’i tejkalonte disa telashe me shëndetin.
Valmiri, djali i cili vendosi t’ia dhuronte veshkën 19-vjeçares tha se hidhur e ka marrë nga vëllai i saj.
“Vëllai i saj me ka telefonu dhe pasi e mora lajmin për vdekjen e saj, sinqerisht mu ka duk sikur mu ka çkap gjysma e trupit tim ose më ka vdek ndonjë pjesëtar i familjes. Para tri orësh kam folë me vëllain e saj”,tha Valmir Aliçikaj
Ai shtoi se vazhdimisht ka kontaktuar me 19-vjeçaren të cilën e ka cilësuar si motër të tij.
“Gjithmonë kam kontaktuar me vajzën, kemi qenë në Tiranë për analiza bashkë. Tani jemi në Spital po e presim kufomën, e kam ndje sikur pjesë të trupit tim sikur motrën time, po gjithmonë me të kam kontaktu si natën e Vitit të Ri, vetëm me motivu. Ju thash që e përjetoj si me vdek një pjesëtar i familjes”,shtoi tutje djali nga Deçani.
I pyetur se kur ishte planifikuar të bëhej transplantimi, ai tha se operacioni do të bëhej brenda dy javësh.
“Ka pas vajza me u shëru se ka pas pak ujë në trupin e vetë po Zoti ka dashtë me ndodh kjo çka e ka shkru Zoti. Mjekët kanë thënë që rikuperimi me ndodh për 2 javë sepse ka qenë e pamundshme me u fut në sallën e operacionit”,tha më tej Aliçika për gazeten Express
Ai shtoi se vajzën nuk e ka njohur më parë, por e ka parë obligim ta ndihmojë.
“Vendimin për me ja dhuru veshkën e kam marrë përmes mediave, e kam cekë vazhdimisht. Kurrë se kam njoft më parë, por e kam ndje obligim”përfundoi ai.
