Festa e ndërrimit të viteve këtë vit ishte urdhëruar të mbahej ndryshe për të gjithë. Në shumë shtete të botës, izolimi për të parandaluar përhapjen e COVID-19 fillon në orën 20:00. Mbrëmjen e djeshme autoritetet në Francë njoftuan për një shtim të forcave policore që do të siguronin se ky urdhër do të zbatohej nga të gjithë.
Megjithatë jo të gjithë kanë zbatuar rregullat e vendosura nga qeveritë për parandalimin e virusit. Në Francë forcat e policisë zbuluan një festë me të paktën 2.000 persona të cilët po festonin në natën e ndërrimit të viteve, duke injoruar të gjitha masat e distancimit social.
3 policë mbetën të lënduar teksa mundoheshin të shpërndanin turmën në festë. Personat që po festonin nisën të gjuanin me gurë drejt policisë dhe i vunë flakën një prej makinave të tyre.
Në qytetin e Marsejës, rreth 300 qytetarë ishin mbledhur në një festë ilegale gjatë natës. Rreth 150 prej tyre u gjobitën për thyerje të rregullave, transmeton Euronews Albania.
Sipas policisë, organizuesit e këtyre festave janë arrestuar.
