Australia u zgjua me një vit të ri të premten, por edhe një himn kombëtar pak më ndryshe, transmeton InLajmi.
Himni, “Advance Australia Fair”, është ndryshuar për të njohur historinë dhe komunitetet indigjene të vendit, njoftoi Kryeministri Scott Morrison të enjten vonë, pak orë para vitit 2021.
Rreshti i parë, “Australianët të gjithë le të gëzohemi, sepse jemi të rinj dhe të lirë”, tani do të përfundojë me “një dhe të lirë”.
“Australia, si një komb modern mund të jetë relativisht e re, por historia e vendit tonë është e lashtë, siç janë historitë e shumë popujve të kombeve të para, administrimin e të cilëve ne me të drejtë e njohim dhe respektojmë”, shkroi Morrison në një pjesë të opinionit në Sydney Morning Herald.
“Në frymën e unitetit, është e drejtë që ne gjithashtu ta pranojmë këtë dhe të sigurojmë që himni ynë kombëtar pasqyron këtë të vërtetë dhe vlerësimin e përbashkët. Ndryshimi i “të rinj dhe të lirë” në “një dhe të lirë”, nuk heq asgjë, por besoj se shton shumë”, theksoi ai, raporton CNN.
Qeveria ka një histori të ndryshimit të këngës për të qenë më gjithëpërfshirëse, kur përbërja origjinale e Peter Dodds McCormick, në vitin 1878, u shpall himni zyrtar kombëtar në 1984, duke zëvendësuar “God Save the Queen”, 2 raste kur përmendeshin “djemtë” u ndërruan me gjini, shprehje neutrale./InLajmi/
