Është arrestuar i dyshuari që plagosi tre persona në Pejë.
Këtë e ka konfirmuar për lajmi.net zëdhënësi i Policisë së Kosovës për rajonin e Pejës, Fadil Gashi.
“Po, është arrestuar para 15 minutash”, ka thënë Gashi për lajmi.net.
Ndryshe, sonte rreth orës 21:00 në Pejë ka ndodhur një plagosje e trefishtë.
Dy nga të plagosurit janë transportuar për në QKUK shkaku i gjendjes së rëndë.
Policia rreth orës 21:00 është njoftuar se në rrugën “Vëllezërit Gërvalla” në afërsi të Stacionit të Autobusëve në Pejë ka të shtëna me armë zjarri. Me të arritur ka kuptuar se tre persona janë të lënduar me armë zjarri. Menjëherë janë dërguar në emergjencën e Spitalit Rajonal të Pejës, teksa dy prej tyre janë dërguar në QKUK në Prishtinë”, kanë thënë nga Policia e Kosovës.
