Në orët e hershme të mëngjesit është gjetur një person pa shenja jete në një objekt në rrugën “Galabri”.
Rastin për gazetën InLajmi e ka konfirmuar Flora Ahmeti, zëdhënëse e policisë për komunën e Prishtinës.
Ahmeti ka thënë për gazetën InLajmi se hetuesit policor në koordinim me prokurorinë kanë nisur hetimin për rrethanat qe karakterizojnë ngjarjen.
“Rreth orës 09:30 kemi pranuar informatën për një person pa shenja jete në një objekt në rrugën ”Garibaldi” në Prishtinë.
Menjëherë njësia policore dhe ekipi mjekësor kanë dalë në vendngjarje, ku nga ekipi mjekësor është konfirmuar se personi (mashkull) është pa shenja jete.
Aktualisht hetuesit policor në koordinim me prokurorinë kanë nisur hetimin për rrethanat qe karakterizojnë ngjarjen”. ka thënë Ahmeti./InLajmi/
