Hoxhaj zhvillon bisedë me ish-presidenten e Zvicrës, fokus roli i diasporës shqiptare

Kandidati për kryeministër nga radhët PDK-së, Enver Hoxhaj ka njoftuar se gjatë kësaj dite ka pasur një bisedë telefonike me ish-presidenten e Zvicrës, Micheline Calmy Rey, përcjell InLajmi

Ai theksoi se bizeda e tyre ishte zhvilluar rreth situates aktuale politike në vendin tonë dhe si fokus roli i diasporës n shqiptare të Zvicrës.

Postimi i plotë i tij:

Me Ish-presidenten e Zvicrës, Micheline Calmy-Rey, e cila është politikanja më e dashur nga diaspora shqiptare për shkak të rolit të saj ndaj Kosovës, zhvilluam një telefonatë të këndshme dhe përmbajtësore.
Si një nga zërat e parë që i dolën në përkrahje pavarësisë tonë, presidentja Calmy-Rey mbetet një mike e përhershme e jona.
Biseduam për situatën aktuale politike në vend dhe rajon dhe për hapat e mëtutjeshëm të Kosovës në sferën e marrëdhënieve ndërkombëtare.
Në veçanti u fokusuam tek roli i diasporës shqiptare të Zvicrës, e cila tashmë është një mërgatë jo vetëm në numër por edhe në cilësi si për Zvicrën edhe për Kosovën.
Gjenerata e tretë e kësaj mërgate janë emra të njohur ekspertësh, mjekësh e sportistësh që përfaqësojnë dinjitetshëm të dy shtetet tona.
Pranova edhe urimet për kandidaturën time për kryeministër të Kosovës nga presidentja Calmy-Rey e cila shprehu edhe një herë admirimin dhe afërsinë shpirtërore me popullin e Kosovës.
Përjetësisht mirënjohës Zvicrës dhe presidentes Calmy-Rey për rolin e tyre të jashtëzakonshëm në pavarësinë dhe zhvillimin e Kosovës./InLajmi/