Gjatë 24 orëve të fundit në Shqipëri ka pasur 11 humbje jete të moshave 51-81 vjeç dhe mbi 300 raste të reja positive me COVID-19. Ministria e Shëndetësisë thotë se në total janë kryer 1 508 testimedhe kanë rezultuar pozitivë 318 qytetarë.
Aktualisht në 4 spitalet COVID, po trajtohen 296 pacientë, 21 në terapi intensive nga të cilët 6 pacientë janë të intubuar. Në 24 orët e fundit janë shëruar 557 qytetarë, duke e çuar numrin e të shëruarve 32,122 që nga fillimi i epidemisë.
Deri tani vendin ynë numëron më shumë se 56 mijë persona të prekur nga COVID-19 dhe prej tyre 23 mijë janë ende raste pozitive. Kurse numri i viktimave të shkaktuara nga coronavirus është 1 164 persona.
Qyteti me numrin më të madh të rasteve aktive është Tirana, e cila ka më shumë se 50% të rasteve të rang kombëtar dhe më pas vijnë fieri, Shkodra dhe Durrësi me një numër shumë herë më të vogël, raporton Euro News Albania.
Rastet pozitive të konfirmuara janë identifikuar në këto bashki:
134 raste në Tiranë, 29 raste në Fier, 23 raste në Vlorë, 17 raste në Sarandë, 12 raste në Lushnje, 11 raste në Durrës, 8 raste në Elbasan, 7 raste në Shkodër, Berat, Delvinë, 6 raste në Mirditë, Mallakastër, Kamëz, 5 raste në Korçë, Mat, 4 raste në Has, Gjirokastër dhe Dibër, 3 raste në Krujë, Lezhë, Kavajë, 2 raste në Rrogozhinë, Përmet, Tepelenë, Divjakë, Gramsh, 1 rast në Kurbin, Tropojë, Bulqizë, Skrapar.
