Shefi i grupit parlamentar nga Nisma, AKR dhe 6+, Endrit Shala, ka kërkuar nga të gjithë deputetët e Kuvendit të Kosovës që ta votojnë projektligjin për buxhetin e vitit 2021.
Sipas tij, ky ligj duhet të votohet në mënyrë që qytetarët, mjekët dhe policët të mund t’i marrin pagat e tyre,.
“Duke marrë në konsideratë që vendi të ketë siguri financiare dhe të mund të zbatohet pakoja për rimëkëmbje ekonomike dhe po ashtu që mos t’i rrezikojmë për paga qytetarët, mjekët, policët, ne si grup parlamentar Nisma-AKR dhe 6+, e konsiderojmë si të nevojshme votimin e projektligjit për buxhetin për vitin 2021”,njofton Klan Kosova.
“Asnjë arsye nuk na justifikon ne si deputetë në raport me nevojën e qytetarit – ata i duan pagat e tyre, ata duan që t’i marrin pagat për punën dhe detyrën që e kryejnë – ne duhet ta kryejmë detyrën tonë”.
