Në 2-vjetorin e vdekjes së policit Izet Demaj, vajza e tij, Valza, ka bërë dedikimin prekës për babain e saj, përcjell InLajmi.
Ajo shkruan se gjatë këtyre dy viteve është kapluar nga malli dhe dashuria për të, teksa thotë se është e vështirë të kalojë ndonjë hap të rëndësishëm në jetën e saj, pa prezencën e babait.
Postimi i plotë i saj:
“I dashur Babi…
Tashmë u bënë dy vite pa ty,pa prezencën tënde.
U bënë dy vite përgjatë të cilave unë kam qenë e kapluar nga malli e dashuria për ty dhe nga dhimbja kur e rikujtoja faktin që s’të kam më.
U bënë dy vite që edhe pse prezenca jote nuk ishte ti gjete mënyrën të na bëje edhe më krenar në çdo aspekt!
Është e vështirë për mua të kaloj ndonje hap të rëndësishëm në jetën time dhe ti të mos jesh aty,por edhe pse jo prezent ti je pjesë e atij hapi pasiqë ti je shtylla më e fortë që më motivon mua të vazhdojë.
Fjalët nuk na dalin dot të të përshkruaj ty pasiqë fjala më me vlerë në botë nuk të përkufizon dot ty!
Ti përveq se ishe nje prind i mrekullueshëm ti po ashtu ishe një shok,djalë,vëlla e sot në këtë ditë ndihen të lënduar.
Babi ti si në luftë e si në paqe e dëshmove veten duke treguar vlerat e tua potenciale,trimëri,shkathtësi si dhe duke u treguar plotëshit i sigurtë në atë që ti doje të arrije.
Tashmë ti je Hero i të gjithë Kosovës sepse akti yt heroik dëshmoi edhe njëher se kush je por tani jo në luftën e Koshares por në atë të drejtësisë.
Do të të kujtojm gjithmonë ashtu siç ishe, e përderisa të vije dita që ne të bashkohemi pusho i qetë në parajsë pranë engjujve.
Të don e të çmon vajza jote Valëza!”./InLajmi/
