Një punonjës policie në Fier ka shkruar në spital me plagë plumbi. Mënyra sesi 39-vjeçari Kleodian Lamaj është plagosur mbetet ende e paqartë për policinë.
Vetë 39-vjeçari, i cili ndodhet nën kujdesin e mjekëve, është shprehur se është vetëplagosur aksidentalisht. Grupi hetimor në bashkëpunim me SHÇBA dhe Prokurorinë po punojnë për sqarimin e rrethanave të ngjarjes, raporton ABC News.
Njoftimi i policisë:
“Sot rreth orës 21:20, në spitalin e Fierit, ka shkuar i plagosur me armë zjarri në këmbë në rrethana ende të paqarta, punonjësi i policisë K. L., 39 vjeç, banues në Fier, (punonjës i Komisariatit të Policisë Peqin), i cili ndodhet nën kujdesin e mjekëve. Punonjësi i policisë paraprakisht ka deklaruar se është vetëplagosur aksidentalisht. Grupi hetimor në bashkëpunim me SHÇBA dhe Prokurorinë po punojnë për sqarimin e rrethanave të ngjarjes”.
