Kryeministri Avdullah Hoti, gjatë vizitës në SHSKUK përveç që vizitoi mantelbardhët nuk e la pa komentuar edhe situaten momentale politike ku tha se në partinë e tij ende nuk kanë diskutuar për kandidatin për kryeministër në zgjedhjet e parakohshme, raporton InLajmi.
“Ende nuk e kemi diskutuar çështjen e kandidatit për kryeministër”.
Ai shtoi se ky vit ka qenë sfidues për shkak të pandemisë, mirëpo kanë arritur që ta menaxhojnë gjendjen me pandeminë.
“Të gjithë jemi përballur me virusin. Kosova renditet në mesin e vendeve që më së miri kanë menaxhuar pandeminë. Ministri Zemaj ka punuar shumë në sigurimin e vaksinës”.
Hoti ka bërë apel që të kihet kujdes gjatë festave, duke kërkuar nga qytetarët që të respektojnë në maksimum masat.
“Kemi nevojë për kujdes maksimal gjatë festave ku qytetarët duhet të tregojnë disiplinë. Unë lus që qytetarët të respektojmë maksimalisht masat”.
