Ministri i Shëndetësisë Armend Zemaj, këtë të mërkurë ka vizituar Postën e Kosovës ku ka thënë se ky dikaster pavarësisht numrit të madh të rë infektuarave ka vazhduar t\ju ofrojë shërbimet e nevojshme qytetarëve, përcjell inLajmi.
Ndër të tjera ai ka theksuar se duhet të krijohet një pullë postare për t’i nderuar punëtorë t shëndetësorë që humbën betejën me koronavirus.
Postimi i plotë:
Posta e Kosovës edhe gjatë kohës së pandemisë, ka vazhduar t’ju ofroj shërbimet e nevojshme qytetarëve të vendit, pavarësisht numrit të madh të të infektuarave të punonjësve të Postës.
Është për t’u përshëndetur respektimi i masave anti Covid gjatë tërë kohës si nga ana e menaxhmentit të Postës po ashtu edhe nga ana e gjithë personelit.
Gjatë takimit të sotëm me z. Xhevdet Smakiqin, u.d. i kryeshefit të Postës, pas kërkesës time u dakorduam që si shenjë nderimi që të krijojnë një Pullë Postare ku qëllimi është t’i nderojmë punëtorët shëndetësorë që kanë ndërruar jetë në luftën kundër pandemisë. /InLajmi/
