Kreu i LDK-së, Isa Mustafa ka folur për zgjedhjet e reja që pritet të mbahen së shpejti dhe për listën e LDK-së në këto zgjedhje.
Mustafa tha se LDK-ja do ta mbledhë Kryesinë dhe do të vendosin në mënyrë që të nxjerrin një qeveri stabile.
“Do ta mbledhim Kryesinë. Pastaj do të vendosim se cila do të jetë rruga më e mirë. Jo vetëm për të marrë vota, por edhe për të nxjerrë një qeveri stabile”, ka thënë Mustafa.
Pavarësisht se ka mohuar se do të bëjnë koalicione me ndonjë subjekt politik, Mustafa la hapur mundësinë që të garojë bashkë me ndonjë parti të vogël, raporton Gazeta Metro
“Akoma nuk kemi vendosur në strukturat e LDK-së, se së shpejti do të organizojmë një mbledhje të kryesisë. Unë mendoj se do të garojmë vet. Mbesim të hapur për ndonjë subjekt të vogël. Por, koalicione parazgjedhore nuk do të bëjmë me asnjë subjekt politik”, ka thënë Mustafa.
