Deputetja e Partisë Demokratike të Kosovës, Ganimete Musliu, ka mbajtur sot një konferencë për media.
Gjatë kësaj konference, deputetja Musliu ka denoncuar qeverinë Hoti për dështimin e saj në sigurinë e vendit dhe të q ytetarëve të Kosovës/ përcjell InLajmi.
Deputetja Musliu ka thënë se kjo paaftësi ka bërë që situata të bie në duar të gangsterëve dhe grabistëve në vend.
Në fund, deputetja Musliu ka thënë se shkarkimi i zyrtarëve profesionist nga udhëheqja e institucioneve të pavarura e kredibile, dhe mungesa e një plani se çfarë do të veprohet konkretisht në situata dhe rrethana të caktuara, ka krijuar vakum institucional dhe mungesë të autoritetit përkatës shtetëror.
“Nëse vazhdon ky trend i përditshëm i sulmeve e vjedhjeve ndaj bankave e bizneseve të vendit, Kosova do të hyjë në një cikël të rrezikshëm të pasigurisë dhe të mbylljes të bizneseve.
Askush nuk do të ketë interesim e as guxim të investoj më në Kosovë nëse nuk ka siguri për jetën e tij, pronën dhe pasurinë”, potencoi ajo./InLajmi/
