Këngëtarja me famë botërore që vjen nga Kosova, Dua Lipa, ka thënë se këngën e saj të parë ia ka kushtuar nënës së vet, Anesa Lipës.
Ajo këtë e bëri të ditur në rubrikën e njohur “Wired”, në të cilën iu është përgjigjur pyetjeve që i bëjnë adhuruesit e saj në platformën “Google”.
“Në moshën 4 vjeçare e kam shkruar këngën time të parë dhe ia kushtova nënës sime”.
“Kënga ishte në shqip, më shumë ishte si një shaka. Teksti i këngës ishte kështu “kur unë të rritem a mund ta veshi fustanin tënd?”.
“Kur unë të rritem a mund t’i mbathi këpucët e tua? Kur unë të rritem a mund të jem e bukur si ti?”, transmeton Klan Kosova.
“Prindërit e mi akoma më ngacmojnë mua për këtë këngë kur jemi duke qëndruar së bashku”, ka thënë Lipa.
