Organizata Ndërkombëtare e Migrimit njoftoi se 3174 migrantë të parregullt vdiqën në botë këtë vit, pavarësisht nga kufizimet kundër koronavirusit të ri, por ky numër është shumë më i lartë për shkak të “aksidenteve të anijeve të paregjistruara”.
“Pavarësisht nga më shumë se 90.000 kufizime të udhëtimit dhe lëvizjes të vendosura në gjithë botën për shkak të pandemisë së koronavirusit , dhjetëra mijëra njerëz të dëshpëruar vazhdojnë të bëjnë udhëtime të rrezikshme në shkretëtira, pyje dhe dete”, tha Dillon.
Duke kujtuar se 5327 migrantë të parregullt humbën jetën në gjithë botën në vitin 2019, Dillon theksoi se megjithëse numri në fjalë ra në 3174 këtë vit, shifra reale është shumë më e lartë për shkak të “aksidenteve të anijeve të paregjistruara”.
Dillon theksoi se është e nevojshme të gjenden “alternativa të sigurta, të parashikueshme dhe ligjore” për migrantët e parregullt, Anadolu Agency.
Sipas tij, këtë vit kanë humbur jetën 1773 migrantë në tentativë për të arritur në Evropë dhe 381 migrantë në kufirin SHBA-Meksikë, përfshirë gra dhe fëmijë.
