Zëvendëspresidenti amerikan, Mike Pence mori sot vaksinën anti-COVID të Pfizer/BioNTech, një injektim që u transmetua drejtpërdrejt në televizion, në një kohë kur SHBA-ja po përgatitet të autorizojë një vaksinë të dytë.
Pence u shpreh i lumtur që kishte marrë këtë vaksinë të sigurt dhe efikase, transmeton ATSH.
Zëvendëspresidenti amerikan, i ngarkuar për koordinimin, këto muajt e fundit, të luftës kundër pandemisë në Shtëpinë e Bardhë, u vaksinua ndërkohë që Europa po sheh disa nga udhëheqësit e saj të vendosur në karantinë para Krishtlindjeve.
