Ehat Miftaraj nga Instituti i Kosovës për Drejtësi ka komentuar çështjen e rezolutave të zotuara nga ushtruesja e detyrës së presidentit të Kosovës, Vjosa Osmani, në bashkëpunim me Kuvendin e Shqipërisë, të cilat i ka quajtur populiste, përcjell InLajmi.
“Kuvendi i Kosovës, liderë institucional dhe politik ndalne vajtimin dhe popullizmin. Miratone buxhetin për vitin 2021, ndani buxhet për Polici, Prokurori dhe Gjykata për hetimin, ndjekjen dhe gjykimin e krimeve të luftës”, u shpreh ndër tjerash ai.
Postimi i plotë i tij:
“Kosova dhe Shqipëria po mundohen me i mbrojtë viktimat e luftës me rezoluta 21 vite pas.
Mjerim shkuar mjerimi.
Kuvendi i Kosovës, liderë institucional dhe politik ndalne vajtimin dhe popullizmin. Miratone buxhetin për vitin 2021, ndani buxhet për Polici, Prokurori dhe Gjykata për hetimin, ndjekjen dhe gjykimin e krimeve të luftës.
Qe 21 vite na keni lodh me politika ditore. Dilni prej mentalitetit që me viktima të luftës me fitu vota, është marre dhe viktimizim për herë të dytë i viktimave të krimeve të luftës dhe familjarëve të tyre”./InLajmi/
