Atomisti Jon Syla është pranuar për të studiuar fizikë dhe neuroshkencë në njërin ndër top universitetet më të mira të botës, në Harvard University në SHBA, përcjell InLajmi.
Lajmin e ka bërë të ditur Instituti Atomi, të cilët thanë se ndjehen krenarë për këtë arritje.
Njoftimi i plotë nga Instituti Atomi:
“Atomisti Jon Syla është pranuar për të studiuar fizikë dhe neuroshkencë në njërin ndër top universitetet më të mira të botës, në Harvard University në SHBA.
Ky sukses i jashtëzakonshëm i Jonit para së gjithash është rezultat i potencialit të tij intelektual, i talentit të tij për fizikë dhe i punës së tij të palodhshme. Veç këtyre, ky sukses i Jonit do të ishte shumë më i vështirë pa përkrahjen dhe investimin e vazhdueshëm të familjes, shkollës, mësimdhënësve, individëve e organizatave të ndryshme profesionale.
Prandaj, Instituti ATOMI iu shprehë mirënjohje dhe falënderim të gjithë atyre që kanë kontribuuar në realizimin e potencialit të Jonit dhe në arritjen e këtij suksesi të jashtëzakonshëm nga ana e tij! Me këtë rast, një falënderim të veçantë e meriton
Bleron Baraliu
nga Instituti ATOMI, i cili e ka ndihmuar Jonin gjatë procesit dhe procedurave të aplikimit në Harvard University, si dhe i ka ofruar atij referenca profesionale dhe kredibile për pranim në Harvard University!
Instituti ATOMI i uron Jonit studime të suksesshme në Harvard University dhe karrierë profesionale të shkëlqyeshme në të ardhmen!”./InLajmi/
