Nesër bëhen një javë që nga dita kur është hapur aplikimi për tërheqjen e 10% të kursimeve Trusti. Deri tash, për t’i tërhequr kursimet kanë aplikuar rreth 355.000 kosovarë. Për datën se kur do t’iu kalojnë këto mjete në xhirollogari kontributdhënësve, janë deklaruar nga Fondi i Kursimeve Pensionale.
Qytetarët e vendit duket se mezi e kanë pritur hapjen e aplikimit për tërheqjen e kursimeve. Shumica e kontributdhënësve tashmë kanë përfunduar aplikimin.
E ndonëse ishte thënë se paratë do t’iu kalonin në xhirollogari pesë ose shtatë ditë pas aplikimit, një gjë e tillë nuk do të ndodhë.
Atyre do të iu duhet të presin rreth dy javë që t’i marrin këto mjete, raporton Periskopi.
Nga Fondi i Kursimeve Pensionale kanë deklaruar se shkaku i aplikimeve të shumta e kanë të pamundur teknikisht t’i realizojnë pagesat brenda një jave, sikurse kishin deklaruar para hapjes së aplikimit.
