Ministri i Jashtëm i Shqipërisë, Gent Cakaj, në zyrat e Sekretariatit të Asamblesë Parlamentare të OSBE-së, ka paraqitur hollësisht shqetësimet, çështjet dhe problemet që ka biseduar me partitë politike shqiptare të Luginës së Preshevës dhe Këshillit Kombëtar Shqiptar në Tiranë e në Prishtinë, përcjell InLajmi.
Ai ka bërë të ditur se pas këtij takimi është hapur rruga që këtu të vijnë deputetët e Luginës së Bashkuar, për të shpalosur qëndrimet e tyre politike lidhur me procesin e fshirjes së adresave në Luginën e Preshevës.
Postimi i plotë i tij:
Sot, në zyrat e Sekretariatit të Asamblesë Parlamentare të OSBE-së, paraqitëm hollësisht shqetësimet, çështjet dhe problemet që kemi biseduar me partitë politike shqiptare të Luginës së Preshevës dhe Këshillit Kombëtar Shqiptar në Tiranë e në Prishtinë.
Pas këtij takimi, është hapur rruga që këtu të vijnë deputetët e Listës së Luginës së Bashkuar, për të shpalosur qëndrimet e tyre politike lidhur me procesin e fshirjes së adresave në Luginën e Preshevës.
Takime të kësaj natyre janë vetëm pjesë e një përpjekje më të përgjithshme për të rritur ndjeshmërinë e çdo institucioni ndërkombëtar për këtë çështje. Në fakt, çdo institucion ndërkombëtar me përfshirje në këtë çështje do të vihet në dijeni për këtë problem jashtëzakonisht të madh për të drejtat themelore të shqiptarëve në Luginë.
Tani, nga Konpenhagen do të nisemi menjëherë në një qendër tjetër Evropiane, për t’i dhënë zë e forcë Luginës”./InLajmi/
