Shefi i Politikës së Jashtme të BE-së, Josep Borell ka thënë se Bashkimi Evropian do të vazhdojë t’i ndihmojë Serbisë në rrugën e saj drejt integrimit në BE.
Kryediplomati evropian është shprehur se Serbia është një partner i rëndësishëm përfshirë edhe politikën e përbashkët të Sigurisë dhe Mbrojtjes.
Ai është shprehur i lumtur që ka biseduar sot me kryeministren Ana Brnabiq, ministrin e Integrimeve Evropiane të Serbisë së bashku me Komisionerin për Zgjerim Oliver Varhelyi gjatë takimit informues të Këshillit BE-Serbi për Stabilizim dhe Asociim, përcjell Insajderi.
“Serbia është një partner i rëndësishëm përfshirë politikën e përbashkët të Sigurisë dhe Mbrojtjes. Ne kemi shumë çështje në interes të përbashkët dhe jemi të angazhuar për perspektivën evropiane të Serbisë. Ne gjithashtu presim nga Serbia që të kryejë reformat e nevojshme, në veçanti mbi Rendin dhe Ligjin, dhe ne shpresojmë që të rreshtojmë Rritjen e CFSP-së. Ne do të vazhdojmë të ndihmojmë Serbinë në rrugën e saj të integrimit”, ka shkruar Borell.
