Ish-gazetari i RTK-së, Fahri Musliu ka propozuar që postin e presidentes së Kosovës ta marrë Rada Trajkoviq, përcjell InLajmi.
Këtë propozim e bën, sipas tij, pas debatit të krijuar për emrin e presidentit të ardhshëm të Kosovës.
Zgjedhjen e saj në postin e presidentes së Kosovës e ka konsideruar si “zgjidhje kompromise për këtë çështje”, dhe, siç thekson ai, zgjedhja e saj do të kishte edhe efekt pozitiv jashtë Kosovës.
Postimi i plotë i tij:
Meqë zgjedhja e kryetarit/kryeplakut të shtetit është bërë kryetemë në Kosovë dhe mollë e shefit, ku kastat politike shqiptare të Kosovës nuk po mund të merren vesh, si zgjidhje kompromise propozojë që ta zgjedhin në këtë post, politikanen serbe RADA TRAJKOVIQ. Edhe ashtu ky post është ceremonial, meqë pushtetin e ka qeveria. Zgjedhja e saj do të kishte edhe një efekt dhe jehonë pozitive jashtë Kosovës.
(ndalohen komentet fyese dhe etiketuese)./InLajmi/
