Paraqitja e Nasim Haradinajt në Hagë është shtyrë për datën 18 dhjetor në ora 14:00, është bërë e ditur përmes një njoftimi Dhomat e Specializuara.
Kërkesën për shtyerjen e paraqitjes së Haradinajt e ka bërë avokati i tij, me arsyetimin që “t’i jepet më shumë kohë për të diskutuar aktakuzën me klientin e tij dhe për t’u përgatitur për seancën dëgjimore”.
Kjo është bërë e ditur përmes një njoftimi nga Dhomat e Specializuara.
Ndryshe Gjykatësi i Procedurës Paraprake i Dhomave të Specializuara të Kosovës e ka konfirmuar aktakuzën, e parashtruar më 30 tetor nga Prokurori i Specializuar, kundër Hysni Gucatit dhe Nasim Haradinajt, përcjell Klan Kosova.
Haradinaj dhe Gucati akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.
