I cilësuar si “Aeroport me 5 Yje” nga instituti i aviacionit me qendër në Londër Skytrax, Aeroporti i Stambollit është bërë qendra e tetë globale e transferimit në botë që kanë arritur këtë epitet
Aeroportit të Stambollit iu dha çmimi “Aeroport me 5 Yje” nga organizata ndërkombëtare hulumtuese e transportit ajror me qendër në Londër, Skytrax.
Sipas një deklarate nga administrata e aeroportit (IGA), Aeroporti i Stambollit, që cilësohet porta e Turqisë drejt botës, me çmimet që fitoi në gjithë botën vazhdon të jetë krenaria e aviacionit turk. I regjistruar së fundmi si “Aeroporti më i mirë” në kategorinë e “Transformimit Digjital” në kuadër “16th ACI Europe Awards” të organizuar nga Këshilli Ndërkombëtar i Aeroporteve (ACI), falë infrastrukturës digjitale dhe zhvillimit teknologjik, Aeroporti i Stambollit ka shtuar një të ri në çmimet e fituara.
I cilësuar si “Aeroport me 5 Yje” nga instituti i aviacionit me qendër në Londër Skytrax, Aeroporti i Stambollit është bërë qendra e tetë globale e transferimit në botë që kanë arritur këtë epitet.
Aeroporti, i cili gjithashtu është vlerësuar me çmimin “Aeroport me 5 Yje për Masat Parandaluese Kundër COVID-19”, i cili jepet special gjatë pandemisë së koronavirusit, e ka arritur këtë titull i katërti me radhë pas Aeroportit Fiumicino në Romë, Aeroportit Ndërkombëtar Hamad në Doha dhe Aeroportit El Dorado në Bogota, , raporton Anadolu Agency (AA).
Para çmimeve të Skytrax, Aeroporti i Stambollit mori “Certifikatën Pandemike” të dhënë nga Drejtoria e Përgjithshme e Aviacionit Civil dhe më pas nënshkroi “Protokollin e Sigurisë së Shëndetit të Aviacionit COVID-19” të dhënë nga Agjencia e Sigurisë së Aviacionit të Bashkimit Evropian (EASA); Ai arriti të bëhej aeroporti i parë në botë që mori certifikatën e “Akreditimit Shëndetësor për Aeroporte” të lëshuar nga Këshilli Ndërkombëtar i Aeroporteve.
