Muhedin Nushi nënkryetari i komunës së Prishtinës ka dhënë një prononcim për RTK-në ku ka treguar se mbi 9800 aplikime “ online” janë bërë për ndihmë, shkruan InLajmi.
Sipas tij aplikimi i qytetarëve për ndihmë tregon gjendjen jo të mirë të popullatës në këtë periudhë kohore.
Nushi tha se ata janë të gatshëm të ndihmojnë edhe bizneset edhe mediat e artistët e pavarur.
“Kur morëm këtë hap ishin diku 13000 veta të infektuar, por jemi të gatshëm t’i ndihmojmë edhe bizneseve, medieve, artistëve të pavaraur, etj”.
Tutje ai shprehu lutjen edhe komunave tjera të bëjnë një hap të tillë, aq sa kanë mundësi.
Nushi bëri të ditur se përfitues do të jenë qytetarë që janë banorë rezident të komunës së Prishtinës.
Ai bëri të qartë se mbi 3200 familje kanë pasur nevojë për ndihmë sociale, ku secili person që ka nevojë për ndihmë, sikundër edhe personat me aftësi të kufizuar, që figurojnë në skemë sociale do të marrin ndihmë shtesë nga 80 euro.
“Megjithë që jemi në dimër jemi të gatshëm të ndihmojmë qytarët që janë në nevojë, se jemi në gjendje të rëndë”,
Ai sqaroi se edhe mediet e pavarura, të shkruara e elektronike, janë të identifikuar për ndihmë, me nga 100.000 euro, por që ata të formojnë komisionin nga vetë ata dhe të na përcjellin me kritika për aktrivitetet tona.
Tutje ai bëri të njohur faktin se gjithë kjo ndihmë do të jetë nga të hyrat vetanake, jo nga buxheti i shtetit.
Nushi qartësoi se përfitues do të jenë edhe bizneset e vogla e të mesme me 5.000.000 euro, sepse falë kujdesit të qytetarëve të treguar në kryerjen e obligimeve për tatimin ndaj nesh, ndaj ne jemi duke ua kthyer atyre sipas mundësive e nevojave./InLajmi/
