Orhan Dragash, Drejtori i Institutit Ndërkombëtar të Sigurisë në Serbi i ka shkruar një letër Presidentit të zgjedhur amerikan Joe Biden, ku përmes saj i është ankuar për qëndrimet e Kongresmenit Eliot Engel për Kosovë.
Në letër Dragash ankohet për rekomandimet e fundit të kongresmenit Eliot Engel lidhur me Kosovën.
“Kongresmeni Engel zgjodhi Kosovën si temë diskutimi, si një prej cështjeve më të rëndësishme në Ballkan, pasi ai e ka mision politik Kosovën. Për këtë, në Kosovë është edhe një rrugë me emrin e tij, si një përkrahës i pavarësisë së Kosovës’, thuhet ndër të tjerash në letër.
Kongresmeni Engel zgjodhi Kosovën si temë diskutimi, si një prej cështjeve më të rëndësishme në Ballkan, pasi ai e ka mision politik Kosovën. Për këtë, në Kosovë është edhe një rrugë me emrin e tij, si një përkrahës i pavarësisë së Kosovës. Sidoqoftë, rekomandimet e Engel për Kosovën si mision politik, në përfundim të mandatit të tij, nuk janë rekomandime të mira për politikën e ardhshme të jashtme amerikane në Ballkan, e sidomos në Kosovë. Megjithë respektin për ekspertizën dhe reputacionin e pjesëmarrësve që paraqitën pikpamjet e tyre, shpresoj se ju pajtoheni se është një periudhë e hershme për të vendosur lidhur me politikën e ardhshme të jashtme në Ballkan dhe nuk bëhet në mënyrë të atillë përplot konfrontimesh dhe prapa shpinës tonë. Shpresoj se ju do të pajtoheni se pozicionet e pandryshueshme nuk mund të ndihmojnë situatën, sidomos të ardhmen, një e ardhme që do të jetë e karakterizuar me bashkëpunim mes SHBA-së dhe Ballkanit, një periudhë e cila pothuajse ka filluar.
Këshillat e profesorit Server dhe të Bugajskit se qëllimi amerikan duhet të jetë drejtimi në njohjen reciproke mes Kosovës dhe Serbisë nuk është i mirë. Nëse do të ishte kaq e thjeshtë pavarësia e Kosovës, kjo cështje nuk do të zgjaste kaq shumë. Prandaj, është ende në tavolinë, e hapur dhe që pret për një zgjidhje të re. Amerika po punon për të gjetur një zgjidhje dhe kjo është e mirëseardhur si nga Beogradi poashtu edhe nga Prishtina. Fatkeqësisht, profesori Server është ende një avokat i taksës së Kosovës ndaj Serbisë dhe kjo ka shkurtuar kapacitetet negocuese midis Prishtinës dhe Beogradit.
Ashtu sic keni deklaruar gjatë vizitës tuaj në Beograd gjatë vitit 2016 dhe në bisedimet me atëherë kryeministrin e tani presidentin Aleksandër Vuciq:’Serbia është e sukseshme, në historinë tonë të gjatë gjërat nganjëherë nuk shkuan mirë, por jam i lumtur se tani kemi filluar një kapitull të ri në respektin e ndërsjellë”. Po ua kujtojmë këtë, sepse po atë ditë, ju keni shprehur edhe keqardhjen për viktimat e bombardimeve të NATO-së, gjë që ishte mjaft prekëse dhe një gjest i madh nga ana juaj. Në historinë tonë të përbashkët 140 vjecare, Serbia dhe Shtetet e Bashkuara kanë qenë aleatë të fortë dhe krah njëra-tjetrës në luftëra. Të dy vendet tona janë të gatshme për të forcuar aleancën, pas një periudhe konfrontimi gjatë dy dekadave të fundit. Tani është mundësia më e mirë për ta bërë këtë. Ju vetëm duhet të ndiqni besimin tuaj dhe përgjegjësinë shtetërore, për një Ballkan dhe Serbinë si dhe t’i lëmë anash raportet e ngrira të së kaluarës, raporte të cilat – së bashku – duam t’i ndërtojmë në në të ardhmen.
Kujtojmë, që Engel i ka bërë thirrje administratës së ardhshme të drejtuar nga Joe Biden që të shtojnë vëmendjen ndaj Ballkanit dhe të bashkëpunojnë me Bashkimin Evropian për të zgjidhur problemet e mbetura në rajon.
“Ç’ka është më e rëndësishmja është që Serbia duhet të shohë përpara. Kosova është e pavarur. Nuk kthehet më kurrë. Sinqerisht, bllokimi i njohjes së Kosovës nga vende të botës dhe i anëtarësimit të saj në Kombet e Bashkuara,veçse pengon Serbinë sepse kërkesa e saj për t’u anëtarësuar në Bashkimin Evropian nuk do të miratohet derisa të njohë Kosovën”, tha Engel, transmeton Gazeta Metro
Ndërsa Engel theksoi se të gjithë ata që kanë kryer krime ndaj luftës duhet të dënohen, ai shtoi se Serbia nuk po mbahet përgjegjëse.
