Kuvendi i Kosovës është duke mbajtur seancë të veçantë me rastin e Ditës ndërkombëtare të përkujtimit dhe nderimit të viktimave të krimeve të gjenocidit, raporton InLajmi.
Nysrete Kumnova nga shoqata “Thirrjet e Nënave ka kërkuar nga deputetët e Kuvendit që të votohet Ligji për të Pagjeturit, në mënyrë që ta ndjenjë dorën e shtetit të pavarur, raporton InLajmi.
Në seancën e veçantë për nder të ditës ndërkombëtarë për të viktimat e krimeve të gjenocidit serb mori fjalën edhe Nysrete Kumnova e cila tha se
familjet e të pagjeturve jetojnë që 2 dekada në ankth, pritje, ethe, pikëllim e shpresë. Ajo poashtu tha se u bënë 21 vite që po kërkojnë drejtësi dhe në fund ajo ka përfunduar duke bërë thirrje deputetëvë si të veprojnë.
“U bënë 21 vjet duke kërkuar drejtësi dhe më në fund arrita të dal para jush që të ju bëjë thirrje të veproni sa më parë…Ndaloni turrin e Serbisë që të mos ndjehet e fituar me historinë e saj vrastare, ndër shekuj, e në luftën e vitit 1999, me mbi 13 mijë viktima”,
Tutje ajo tha se familjet e të pagjeturve nuk morën përkrahje nga institucionet vendore e ndërkombëtare.
Duke qarë, ajo iu drejtua deputetëve se po presin fjalët dhe veprat e tyre për të denoncuar krimet serbe.
“Posti i deputetit është detyrë fisnike e jo profitabile”, tha ajo.
Ajo poashtu tha se shumë prindër kanë vdekur duke pritur një lajm për të dashurit e tyre.
“A e dini sa prindër të pikëlluar kanë vdekur në pritje për një lajm për më të dashurit të tyre, sa nëna i kanë rritur fëmijët në varfëri”, vijon fjalimi i Kumnovës.
Kumanova poashtu përmendi edhe se Arban Abrashi i ka vënë në pozitë vështirë duke i lënë të zgjedhin në mes pensionit të pleqërisë dhe ndihmës së shtetit
“Arban Abrashi na ka vënë në pozitë të vështirë, duke na lënë të zgjedhim mes pensionit të pleqërisë dhe ndihmës së shtetit”, shtoi ajo, teksa përmendi me emra edhe politikanët e tjerë të cilët nuk kanë bërë mjaftueshëm për familjet e personave të pagjetur. /InLajmi/
